የሱዳን ተቀናቃኝ ኃይሎች ስምምነት

 በወታደራዊው ምክር ቤት እና በተቃዋሚው ወገን የተደረሰው ስምምነትም በያዝነው ወር መጨረሻ ገደማ ሱዳን ሲቪሎች የተካተቱበት የሽግግር መንግሥት  ለመመሥረት እንዲትችል ያበቃታል ተብሏል። የሱዳን ወታደራዊ ጀነራሎች የተቆጣጠሩትን ሥልጣን ከሕዝቡ በቀረበው ጥያቄ መሠረት በሲቪል አሥተዳደር ለመተካት ዝግጅኑት ያሳዩት የአፍሪቃ ሕብረት እንዲሁም ጎረቤት ኢትዮጵያ ባካሄዱት ያላሰለ ጥረት እና የሽምግልና ድርድር መሆኑም ይፋ ሆኗል። በወቅቱ የሱዳን ጉዳይ የኢትዮጵያ ጠቅላይ ሚኒስትር ልዩ መልእክተኛ የሆኑት አምባሳደር መሐሙድ ድሪር በተለይ ለዶይቼ ቬለ «DW» እንደገለፁት በዚህ ስምምነት መሠረት በሱዳን የሽግግር መንግሥት ውስጥ በብዛት የሚካተቱት ሲቪሎች እንጂ መለዮ ለባሾች አይሆኑም። ከዚህ ስምምነት መድረስም ለሱዳን ከአፍሪቃ ሕብረት ጀምሮ በዩናይትድ ስቴትስም ቢሆን የተጣሉባትን ማዕቀቦች እና እገዳዎች ለማስነሳት ዲፕሎማሲያዊ ሚናው ከፍተኛ ነው። ስለስምምነቱ ምንነት በዝርዝር እንዲያስረዱን አምባሳደር መሐሙድ ድሪርን ጠይቀናቸዋል።

ሸዋዬ ለገሠ

ኂሩት መለሰ