ዓለም አቀፍ የስልክ ጥሪዎች ችግር በኢትዮጵያ

ኢትዮ ቴሌኮም ዓለም አቀፍ ጥሪዎች ላይ ችግር እንደተከሰተ እንደሚያውቅ ገለጠ። ከውጭ ወደ ኢትዮጵያ የሚደረጉ ዓለም አቀፍ የስልክ ጥሪዎች ተደጋጋሚ ችግር ይስተዋልባቸዋል። ሰሞኑን ዛሬን ጨምሮ ማለት ነው ለአብነት ያኽል ከዚህ ከጀርመን ከቦን ስቱዲዮዋችን ወደ ኢትዮጵያ የስልክ ጥሪ ማድረግ አስቸግሮናል። በጣልያንና ጀርመን መካከል የሚገኝ የስልክ መስመር ማገናኛ ገመድ በገጠመው የጥራት መጓደል ችግር ከአውሮጳ፣ በተለይም ከጀርመን ወደ ኢትዮጵያ የሚደረግ ዓለም አቀፍ የስልክ ጥሪ እክል እንደገጠመው ኢትዮ ቴሌኮም ዐስታውቊል። ችግሩ መከሰቱን እንደሚያውቅ የተናገረው መሥሪያ ቤቱ በዛሬው ዕለት እንደሚፈታ ገልጿል። ኩባንያው ከሀያ ሰባት ዓለም አቀፍ የስልክ ኦፕሬተሮች ጋር እንደሚሠራም ዐስታውቋል። የአዲስ አበባው ወኪላችን ሰለሞን ሙቼ ቀጣዩን ዘገባ አጠናቅሮልናል። 

ሰለሞን ሙጬ
ማንተጋፍቶትስ ስለሺ
ኂሩት መለሰ