ወቅታዊው የፖለቲካ ቀውስ እና የኢትዮጵያ አንድነት ጥያቄ

እያደር ብልጭ ያሉት አንዳንድ አጋጣሚዎች እና ከመንግሥት ወገን ጥርት ያለ መረጃ እጥረቱ እንዳለ ሆኖ ከድንገቴው የከፍተኛ ወታደራዊ እና ፖለቲካ ባለሥልጣናት ግድያ በኋላ የጋዜጠኞች እና የፖለቲካ ፓርቲ አባላት እስራት ዳግም ሌላ የስጋት ምክንያት ሆኗል። በሌላ በኩል በክልሎች መካከል የሚታየው ፉክክር እንዲሁም በገዢው ግንባት አባላት መካከል ጎልቶ የወጣው አለመግባባት ኢትዮጵያን አቅጣጫው ወዳልታወቀ ዕጣ ፈንታ እየገፋት እንደሆነ ብዙዎች ይናገራሉ። የክልል እንሁን ጥያቄዎች፣ የድንበር እና ግዛት ጉዳዮች ሀገር እንደ ሀገር የመቀጠሏን ጉዳይ አሳሳቢ እና እንቆቅልሽ አድርጎታል። ወቅታዊው የፖለቲካ ቀውስ እና የኢትዮጵያ አንድነት ጥያቄ የዚህ ሳምንት የዶይቼ ቬለ እንወያይ ርዕስ ነው። ሙሉ ውይይቱን ከድምፅ ዘገባው ይከታተሉ። 

ሸዋዬ ለገሠ