አዲስ ቤተ መጻህፍት በፓሪስ የኢትዮጵያ ኤምባሲ

ፓሪስ የሚገኘው በፈረንሳይ የኢትዮጵያ ኤምባሲ በቅርቡ አዲስ ቤተ-መጻህፍት አስመርቋል።ቤተ-መጻህፍቱ የተቋቋመው ከተለያዩ በጎ ፈቃደኞች በተበረከቱ መጻህፍት ነው። ቤተ መጻህፍቱ  የተቋቋመበት ዓላማ ፈረንሳይ ለሚገኙ ወጣት ትውልደ ኢትዮጵያውያንና ተመራማሪዎች የኢትዮጵያን ባህል ቋንቋና ታሪክ ጠብቆ መያዝ ነው።መጻህፍቱን ካበረከቱት መካከል ፓሪስ የሚኖሩት የኦሎምፒክ ኮሚቴ አማካሪና የስፖርት ጋዜጠኛ ፍቅሩ ኪዳኔ እንዲሁም ከሁለት ዓመት በፊት በሞት የተለዩት ፕሮፌሰር ከፍሌ ብጽአት ይገኑበታል።

ፍቅሩ ኪዳኔና ፕሮፌሰር ክፍሌ በህይወት ዘመናቸው ያጠራቀሟቸውን መጻህፍት ነው በስጦታ ያበረከቱት።  በቤተ መጻህፍት ምረቃ ላይ የተገኘችው የፓሪስዋ ዘጋቢያችን ሃይማኖት ጥሩነህ በዛሬው የባህል መድረክ ስለ ጠቀሜታውና ዓላማው ቀጣዩን ዝግጅት አሰናድታለች።
ሃይማኖት ጥሩነህ 
ኂሩት መለሰ