አሜሪካ ከአፍጋኒስታን ጦር ጨርሳ አስወጣች

ዩናይትድ ስቴትስ በአፍጋኒስታን አሰማርታቸዉ የነበሩትን የመጨረሻዎቹን ወታደሮች ከካቡል አውሮፕላን ማረፊያ በማስወጣት በሃገሪቱ ወደ 20 ዓመታት የዘለቀዉን ወታደራዊ ስምሪት በይፋ ማቆሟን አሳወቀች። በአፍጋኒስታን ሰዓት አቆጣጠር ትናንት ለዛሬ አጥብያ እኩለ ለሊት ሊሆን አንድ ደቂቃ ጉዳይ ሲቀረዉ የካቡልን አዉሮፕላን ማረፍያ የለቀቀዉ የአሜሪካን የጦር አዉሮፕላን፤ የመጨረሻዎቹን የአሜሪካ ወታደሮች አሳፍሮ ነዉ ነዉ የወጣዉ። የዩናይትድ ስቴትሱ ፕሬዚዳንት ጆባይደን በአፍጋኒስታን ተሰማርተዉ የነበሩ የሃገራቸዉን ወታደሮች ዛሬ ማክሰኞ ጨርሰዉ እንደሚወጡ ቀነ -ገደብ አስቀምጠዉ ነበር። ይሁንና ትዉልደ አፍጋኒስታን የአሜሪካ ዜጎች አሁንም ገና ጨርሰዉ አለምዉጣታቸዉ ተመልቶአል። በስምሪት ላይ የነበሩት የመጨረሻዎቹ የአሜሪካ ወታደሮች ከአፍጋኒስታን መዉጣታቸዉን ተከትሎ የታሊባን ታጣቂዎች መዲና ካቡል ላይ የሩምታ ተኩስን በማሰማት ደስታቸዉን መግለፃቸዉም ተያይዞ ተዘግቦአል። አንድ የታሊባን ቃል- አቀባይ በትዊተር ገፁ ላይ ይፋ እንዳደረገዉ «አፍጋኒስታን አሁን ሙሉ ነፃነትዋን አግኝታለች»

 

አዜብ ታደሰ

ኂሩት መለሰ