በሰሜን ሸዋ 50 ሺህ ሰዎች መፈናቀላቸው

በአማራ ክልል ሰሜን ሸዋ እና የኦሮሞ ልዩ ዞን አዋሳን አከባቢዎች በተፈጠረ ግኝት 50 ሺህ ሰዎች መፈናቀላቸውን የብሔራዊ አደጋ ስጋት ሥራ አመራር ኮሚሽን አስታወቀ። የኮሚሽኑ የህዝብ ግንኙነት ዳይሬክተር አቶ ደበበ ዘውዴ ለዶይቼ ቬለ እንዳሉት ለተፈናቃዮች 3 ሺህ ኩንታል ስንዴ እና ሌሎች የመጀመሪያ ደረጃ የድጋፍ ቁሳቁስ ወደ ስፍራው ተልኳል። ለሰብዓዊ ቀውሱ ድጋፍ የአስቸኳይ ጊዜ ምላሽ ማስተባበሪያ ማዕከል ተቋቁሞ በቀጣይ የጉዳቱ መጠን እና ስፋት ተጠንቶ ድጋፉ እንደሚቀጥልም ተነግሯል። ዶይቼ ቬለ በአከባቢው የተከሰተው አለመረጋጋት ያስከተለው ቀውስ ላይ ተጨማሪ መረጃ ለማግኘት ወደኢትዮጵያ ሰብዓዊ መብቶች ኮሚሽን እና ሰላም ሚኒስቴር የሥራ ኃላፊዎች  ያደረገው የስልክ ጥሪ እና የጽሁፍ መልእክቶች ምላሽ አላገኙም።

ሥዩም ጌቱ 

ሸዋዬ ለገሠ

እሸቴ በቀለ