የኢትዮጵያ የማዕድን ዘርፍ ችግሮች  | ኢትዮጵያ | DW | 12.08.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

የኢትዮጵያ የማዕድን ዘርፍ ችግሮች 

የመሥሪያ ቤቱ የሥራ ሃላፊዎች የሃገሪቱ የፖለቲካ ቀውስ፣ ከፍተኛ የኮንትራባንድ ንግድ እና የቀልጣፋ መስተንግዶ አለመዳበር የችግሩ ዋነኛ ምክንያት መሆናቸውን ተናግረዋል።ባለፈው አመት በሶማሌ ክልል ተገኘ የተባለውን በቀላሉ የሚነድ የነዳጅ አይነት መጠን ለመለየት ጥናት እየተደረገ እንደሆነና የምርት ሙከራ ሥራ እየተሰራ መሆኑንም ሃላፊዎቹ ገልጸዋል።

አውዲዮውን ያዳምጡ። 04:09

«የኢትዮጵያ የማዕድን ዘርፍ የሚያስገኘው የውጭ ምንዛሪ በከፍተኛ መጠን እየቀነሰ ነው» የማእድን ነዳጅና ተፈጥሮ ጋዝ ሚኒስቴር

የኢትዮጵያ የማዕድን ዘርፍ የሚያስገኘው የውጭ ምንዛሪ ከዓመት አመት በከፍተኛ መጠን እየቀነሰ መምጣቱን የማእድን ነዳጅና ተፈጥሮ ጋዝ ሚኒስቴር አስታወቀ። የመሥሪያ ቤቱ የሥራ ሃላፊዎች ዛሬ በሰጡት መግለጫ ሃገሪቱ የገጠማት የፖለቲካ ቀውስ፣ ከፍተኛ የኮንትራባንድ ንግድ እና የቀልጣፋ መስተንግዶ አለመዳበር የችግሩ ዋነኛ ምክንያት መሆናቸውን ተናግረዋል።

ባለፈው አመት በሶማሌ ክልል ተገኘ የተባለው ነዳጅ በቀላሉ የሚነድ የነዳጅ አይነት መጠኑን ለመለየት ጥናት እየተደረገ እንደሆነና የምርት ሙከራ ሥራ እየተሰራ መሆኑንም ሚኒስቴሩ ዛሬ በሰጠው መግለጫ አመልክቷል።በሃገሪቱ ሁለት የወርቅ አምራች ኩባንያዎች ያሉ ሲሆን ከነዚህም ሜድሮክ የተባለው ድርጅት ስራ በማቆሙ እና ኢዛና የተባለውም በገጠመው የውጭ ምንዛሪ እጥረት ለኬሚካል እጥረት ተዳርጎ ለማምረት መቸገሩን ሚኒስቴሩ አሳውቋል። 

ሰሎሞን ሙጬ

ኂሩት መለሰ 

ነጋሽ መሐመድ

 

Audios and videos on the topic