የኢትዮጵያ ኦርቶዶክስ ቤተ ክርስትያን ዕርቅ

የኦሮሚያ ቤተክህነት አደራጅ ኮሚቴ የተባለ ስብስብ አሉኝ ብሏቸው በነበሩ የአስተዳደር ጥያቄዎች ዙሪያ ከኢትዮጵያ ኦርቶዶክስ ቤተ ክርስትያን ጋር ተፈጥሮ የነበረው አለመግባባት መፍትሔ ማግኘቱ ተገለፀ።በጠቅላይ ቤተ ክህነት ስር በሚቋቋም ጠንካራ አካል በኩል የተነሱ ጥያቄዎችን በአንድነት መፍታት እንደታመነበት እና እርቅ ለማውረድ ላለፉት ስድስት ወራት የተንቀሳቀሰው ኮሚቴ አስታውቋል።የኦሮሚያ ቤተ ክህነት አደራጅ ኮሚቴ ሰብሳቢ ቀሲስ በላይ መኮንንና ኮሚቴያቸው ከድርጊታቸው ተቆጥበው በንሥሓ እስኪመለሱ ድረስ ከየካቲት 11 ቀን 2911 ዓ.ም ጀምሮ በቤተ ክርስትያን የተሰጣቸው ክህነት መያዙን ቅዱስ ሲኖዶሱ አስታውቆ ነበር። ቅዱስ ሲኖዶሱ በቀጣይ የስምምነቱን ዝርዝር ጉዳይ ይፋ እንደሚያደርግም አስታውቋል። 

ሰለሞን ሙጬ
ታምራት ዲንሳ
ማንተጋፍቶት ስለሺ