የእነ አቶ በረከት ስምዖን የፍርድ ቤት ዉሎ 

አቶ በረከት ስምዖን እና አቶ ታደሰ ካሳ በዛሬው ዕለት ፍርድ ቤት ሲቀርቡ ከእስር እንዲለቀቁ እና ጉዳያቸውም በአዲስ አበባ እንዲታይ ጥያቄ አቀረቡ። ጥያቄያቸውን አቃቤ-ሕግ ተቃውሟል። ሁለቱ የቀድሞ ጉምቱ ሹማምንት በእስር ቤት መሰደባቸውን፤ ምግብ እንዳልቀረበላቸው እና ቤተሰቦቻቸው ጉዳያቸውን ከመከታተል መከልከላቸውን ጠቅሰው አቤቱታ አቅርበዋል።

በሙስና ወንጀል ተጠርጥረው በባሕር ዳር ከተማ በእስር ላይ የሚገኙት አቶ በረከት ስምዖን እና አቶ ታደሰ ካሳ በዛሬው ዕለት ፍርድ ቤት ቀረቡ። ተጠርጣሪዎቹ "ከእስር ተለቅቀን ክርክራችንን በውጭ እናድርግ" ሲሉ ቢጠይቁም አቃቤ ሕግ "ሰነድ ሊያጠፉብኝ ስለሚችሉ ጥያቂያቸውን እቃወማለሁ" ብሏል፡፡ ፍርድ ቤቱ ተጠርጣሪዎች ለየካቲት 1 ቀን 2011 ዓ.ም.  አንዲቀርቡና ወደ ማረሚያ ቤት አንዲወርዱ አዝዟል፡፡

አለምነኽ መኮንን

አዜብ ታደሰ 

እሸቴ በቀለ