ብርሃን በኢትዮጵያውያን የተቋቋመ ማህበር

በአኽን ከተማ ነዋሪ በሆኑ ጥቂት ኢትዮጵያውያን ተመስርቶ አሁን ጀርመናውያንና ከጀርመን ውጭ የሚገኙ አባላት ያሉትን ብርሃን የተባለውን ማህበር ነው የሚያስቃኘን የዛሬው አውሮፓና ጀርመን ዝግጅታችን ። ምዕራብ ጀርመን በሚገኘው በአኽን ከተማ በኢትዮጵያውያን የተመሰረተው ብርሃን የተባለው ማህበር ሊቀ መንበር አቶ እሸቱ ውንድአፍራሽ ናቸው ስለማህበሩ አመሰራረትና ዓላማ ያስረዱን ። አቶ እሸቱ ወደ 37 ዓመት ለሚጠጋ ጊዜ ጀርመን ኖረዋል ። ከፍተኛ ትምህርት ለመከታተል በመጡባት ጀርመን በሚካኒካል ምህንድስና የመጀመሪያ ዲግሪ አግኝተዋል ። ከዚያም የድህረ ምረቃ ትምህርታቸውን አቋርጠው ወደ ሃገር ቤት በመሄድ ለ ጥቂት ዓመታት በአዲስ አበባ ዩኒቨርስቲ የቴክኖሎጂ ፋከልቲ በመምህርነት ካገለገሉ በኃላ እንደገና ወደ ጀርመን ተመልሰው ትምህርታቸውን አጠናቀዋል ። አቶ እሸቱ ትዳር መስርተው ኑሮአቸውን እዚሁ ጀርመን ያደረጉ የቤተሰብ ሃላፊም ናቸው ። በአሁኑ ጊዜ ለኢትዮጵያውያን ለኤርትራውያንና እንዲሁም ሌሎችም የውጭ ዜጎችና ለጀርመናውያን ከጤና አጠባበቅ ጋር የተያያዙ ሴሚናሮችን በግል ይሰጣሉ ። ከግል ሥራቸው ጎን ለጎን ብርሃን ማህበርን በሊቀመንበርነት የሚመሩት አቶ እሸቱ እንደተናገሩት ማህበራቸው በተቋቋመበት ዓላማ መሰረት ኢትዮጵያ ለሚገኙ አንዳንድ ድርጅቶች እርዳታ ሲለግስ ቆይቷል ።

በዚህ መልኩ ሲንቀሳቀስ የቆየው ብርሃን በ1997 በጎሮጎሮሳውያኑ በ 2005 የአባላቱ ቁጥር መመናመን ጀመረ ።
ድምፅ
ብርሃን ማህበር በጀርመን መንግሥት ድጋፍ በኢትዮጵያ የልማት እንቅስቃሴዎች ውስጥ አስተዋፅኦ የማድረግ እቅድም አለው ።
 

ሂሩት መለሰ

ነጋሽ መሐመድ