ባህላዊዉ መጠጥ ጠላ

ጠላ ባእድ አሳላፊ ዘመድ፣ ጠላ ሲሉት ሽምጥጥ ኮሶ ሲሉት ስቅጥጥ፣ ጠላ ባለቤቱን አያዉቅም፣ የሚባል ጠላን ያስታከከ ምሳሌያዊ አነጋገር አለ።

እንቢ ጠላ ጠላ ቅራሪ ቅራሪ፣

እሞትለታለሁ ለዝያ ለተማሪ፤

የማናት ወይዘሮ የማናት ቀምጣላ፣

በአንገትዋ ይወርዳል የምትጠጣዉ ጠላ፤ እየተባለ ባህላዊዉ እና ጥንታዊዉ የኢትዮጽያዉያን መጠጥ ይነገርለታል። የተለያዩ ብሄር ብሄረሰቦችን አቅፋ በምትገኘዉ ኢትዮጽያችን ዉስጥ በርካታ ባህላዊ ምግቦች እና መጥጦች መካከል ጠላ የብዙ አመታትን ታሪክ ካስቆጠሩ መጥጦች መካከል አንዱ እንደሆነ ይነገርለታል። አሁን አሁን በተለይ በከተማዉ አካባቢ ቢራና ሌሎች መጠጦች መጡና የጠላ ጉዳይ ቀረት ያለ ይምሰል እንጂ በተለይ በገጠሩ ቤት ጠላ እና ቆሎ ካልተገኘ በአካባቢዉ ላይ ችግር እንዳለ መቆጠሩ ይደመጣል። ታድያ አዲስ አመት፣ ሰርግ፣ ማህበር ሲመጣ ያለ ጠላ እና ዳቦ በአሉ በአል እንደማይመስል የታወቀ ነዉ።

ዝግጅቱን ከዚህ ያድምጡ፤

አዜብ ታደሰ
ነጋሽ መሐመድ