ህገ ወጡ የኤደን ባህረ ሰላጤ ጉዞ እና ያስከተለዉ ችግር

ባለፈዉ ሳምንት መጨረሻ ላይ ኤደን ባህረ ሰላጤ በትናንሽ ጀልባዎች ለማቋረጥ ለህገ ወጥ ግለሰቦች ገንዘብ በመክፈል ሙከራ ካደረጉት መካከል በትንሹ የ28 ግለሰቦች ሪሳ መኘቱ ተዘግቦአል። ህገ ወጥ መንገድ ባህሩን በጀልባ የሚያሻግሩት ግለሰቦች ሶማልያዉያን መሆናቸዉም ታዉቋል። ግለሰቦቹ ገንዘብ በመቀበል በጀልባ ካሳፈሩ በኳላ፣ ተሳፋሪዎቹን በሰላ ቢላ እና በብረት ዱላ በመደብደብ ባህር ዉስጥ እንዲገቡ እንደሚያስገድዱ UNHCR የቃል አቀባይ ለዛሪ ለዶቸ ቬለ በሰጡት ቃለ ምልልስ ገልጸዋል። በያዝነዉ አመት ብቻ የኤደን ባህረ ሰላጤን ለማቋረጥ የሞከሩ ቢያንስ 500 ግለሰቦች ህይወታቸዉን አጥተዋል 300 ያህል ደግሞ የደረሱበት አይታወቅም።