1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

YANGON:Wafungwa 46 waachiwa kabla mjumbe wa UN kuwasili

Uongozi nchini Myanmar umewaachia huru watu 46 waliokuwa wanazuiliwa tangu maandamano ya kudai demokrasia kufanyika mwezi Agosti na Septemba.Wengi ya wafungwa hao ni wanachama wa National League for Democracy NLD.Hatua hii inachukuliwa ikiwa ni siku moja kabla kuwasili kwa Ibrahim Gambari mjumbe wa umoja wa mataifa.

Hii ni ziara ya pili ya mjumbe huyo maalum na anatarajiwa kushinikiza viongozi wa kijeshi wa Myanmar kufanya mabadiliko ikiwemo hatua ya kuwaachia huru mamia ya watu wanaoaminika kuzuiliwa tangu maandamano ya kudai demokrasia kuanza.

Yapata watu 165 waliokamatwa katika maandamano hayo wameachiwa katika juma lililopita lakini wengi ya wanachama wa upinzani wa NLD bado wanazuliwa.Takriban watu 13 walipoteza maisha yao na wengine alfu 3 kuzuiliwa wakati uongozi wa kijeshi ulipowavamia waandamanaji hao.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com