1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

YANGON:Vyombo vya usalama vyatumia risasi za onyo dhidi ya waandamanaji

Walinda usalama nchini Miyanmar wamepambana na waandamanaji katika mji mkuu wa Yangon.

Polisi wamefyatua risasi za onyo na kutumia gesi ya kutoa machozi kuwatawanya waandamanaji wanaopinga utawala wa kijeshi nchini Myanmar.

Awali vyombo vya usalama vilifunga nyumba tano kuu za watawa katika mji mkuu wa Yangon na kutangaza marufuku ya kukaribia eneo hilo.

Umoja wa nchi za ASEAN umelaani matumizi ya nguvu dhidi ya wapinzani na umeutaka utawala wa kijeshi ufanye juhudi za kutatua mgogoro huo kwa amani.

Mawasiliano makuu ya mtandao wa internet yamekatizwa nchini Myanmar na ingawa maafisa wa mawasiliano wanasema ni kwa sababu ya kuharibiwa waya zilizo chini ya maji, waandamanaji wanasema serikali imehusika kukatiza mawasiliano hayo ili kuzuia kupelekwa nje taarifa zaidi na picha za video zinazo onyesha operesheni za vikosi vya serikali dhidi ya waandamanaji wanaoipinga serikali ya kijeshi.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com