1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

YANGON:Mjumbe maalum wa UM kukutana na mkuu wa Junta nchini Myanmar

Mjumbe maalum wa umoja wa mataifa Ibrahim Gambari anatarajiwa kukutanana na mkuu wa kijeshi wa Myanmar Than Shwe katika jitihada za kusitisha operesheni dhidi ya waandamanaji wanaopinga utawala wa miaka 45 wa kijeshi nchini Myanmar.

Operesheni hiyo imesababisha umwagikaji damu na imeshutumiwa na nchi mbali mbali.

Mjumbe huyo maalum wa umoja wa mataifa anaelekea katika makao makuu ya shughuli za kiserikali mjini Naypyidaw ambako natarajiwa kukutana na mkuu huyo wa Junta Than Shwe.

Bwana Gambari amesisitiza umuhimu wa mazungumzo baina ya utawala wa kijeshi na wapinzani.

Awali bwana Gambari alifanya mazungumzo na mwanaharakati wa demokrasia anaezuiliwa bibi Aung San Suu Kyi.

Maandamano ya kupinga utawala wa kijeshi nchini Myanmar yamesababisha vifo vya takriban watu 13.

Watu kadhaa pia wamekamatwa na kuwekwa kizuizini.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com