1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Washukiwa wa machafuko ya London kufikishwa mahakamani leo

Ni washukiwa wa kwanza kushtakiwa kwa vifo vilivyotokea wakati wa machafuko ya jijini London. Watu jumla ya watano walikufa kwenye machafuko yaliyoanza Jumamosi iliyopita.

default

Hali ilivyokuwa mashariki mwa London

Mwanamume mmoja pamoja na kijana wanatarajiwa kufikishwa katika mahakama moja ya Birminghman leo kuhusiana na mauaji ya wanaume watatu waliogongwa na motokaa wakati walipokuwa wakikilinda kitongoji chao dhidi ya waporaji. Ni washukiwa wa kwanza kufikishwa mbele ya vyombo vya sheria kwa vifo vilivyotokea wakati wa maandamano mabaya kabisa kuwahi kushuhudiwa nchini Uingereza katika kipindi cha miongo kadhaa.

Hapo awali polisi walisema wamepata motokaa mbili katika uchunguzi wao na kupata vizibiti 400 na taarifa zaidi ya 70 za mashahidi.

London Krawalle

Polisi wakipiga doria London

Haroon Jahan, mwenye umri wa miaka 20, Shazad Ali mwenye umri wa miaka 30, na kakake Abdul Musavir, mwenye umri wa miaka 31, waliuwawa Jumatano iliyopita kwenye lango la kituo cha mafuta kwenye kitongoji cha Winson Green huko Birmingham. Babake Jahan, Tariq, amepongezwa kwa mwito wake wa kuwataka watu wasilipize kisasi kifo cha mwanawe. Polisi wamekiri mwito wake huo umesaidia kutuliza hisia za watu, huku ukukiwa na wasiwasi kuhusiana na uhusiano kati ya jamii za Burmingham.

Mbali na vifo vitatu vilivyotokea huko Birmingham, watu wengine wawili walikufa katika wimbi hilo la machafuko yaliyoanza mjini London Jumamosi wiki iliyopita na kuenea katika miji mingine mikubwa ya Uingereza.

Mwansishi: Josephat Charo

Mhariri:Prema Martin

  • Tarehe 14.08.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/12GD2
  • Tarehe 14.08.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/12GD2

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com