1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

WASHINGTON.Bush asema Marekani itaendelea kubakia Irak

Rais George W Bush wa Marekani amefanya mazungumzo kwa njia ya video na makamanda wake wa kijeshi juu ya hali ya Irak.

Takriban wanajeshi 80 wa Marekani wameuwawa katika mwezi huu wa oktoba pekee nchini Irak, hii ni idadi kubwa kuwahi kutokea tangu majeshi hayo yalipovamia Irak mwaka 2003.

Pamoja na hayo rais Bush amesisitiza katika hotuba yake ya radio ya kila juma kuwa hali hiyo haitabadilisha azma na lengo la Marekani nchini Irak.

Kituo cha Televisheni cha kiarabu cha Al Jaazera kimemnukulu afisa wa cheo cha juu katika jeshi la Marekani akisema kwamba nchi yake imeonyesha kutokujali na upumbavu wa hali ya juu nchini Irak.

Ikulu ya White House imekanusha kauli hiyo na msemaji wa ikulu amesema kuwa kauli ya afisa Alberto Fernandez imetangazwa kinyume na alivyosema.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com