1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

WASHINGTON : Wabunge wataka wanajeshi watoke Iraq 2008

Wabunge wa chama cha Demokratik nchini Marekani kwa mara ya kwanza kabisa wameweka ratiba ya kuodolewa kwa wanajeshi wa Marekani kutoka Iraq kwa kusema kwamba wanataka vikosi hivyo viwe vimeondoka nchini humo ifikapo mwezi wa Septemba mwaka 2008.

Mpango huo umezinduliwa katika Baraza la Wawakilishi la bunge la Marekani na spika wa bunge Nancy Pelosi ambaye amesema muswada huo utaambatanishwa na ombi la Rais George W. Bush la kutaka dola bilioni 100 za ziada kugharimia vita nchini Iraq na Afghanistan.Chini ya mpango huo uwekaji upya wa wanajeshi wa Marekani utaambatanishwa na sharti la hatua ya maendeleo iliopigwa na serikali ya Iraq katika kupunguza umwagaji damu wa kimadhehebu.

Ikulu ya Marekani tayari imesema kwamba Bush atatumia kura yake ya turufu kuzuwiya muswada huo kuwa sheria.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com