1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

WASHINGTON: Mshukiwa wa kwanza afikishwa mahakamani

Mashtaka ya ugaidi yamewasilishwa dhidi ya manamume wa Australia ambaye amekuwa akizuiliwa katika jela ya Guantanamo Bay nchini Cuba kwa kipindi cha miaka mitano.

David Hicks, raia wa Australia aliyesilimu, ni mtuhumiwa wa kwanza wa ugaidi kufikishwa mahakamani kutumia mfumo mpya wa mahakama za kijeshi za Marekani.

Wizara ya ndani ya Marekani inadai Hicks alitoa misaada iliyotumiwa kwa ugaidi kabla kutiwa mbaroni nchini Afghanistan mnamo mwaka wa 2001.

Wakili wa maswala ya kijeshi wa Marekani anayemtetea David Hicks, Michael Mori, ameyakosoa mashtaka mapya, akisema hayajakuwepo katika sheria zinazohusu vita.

Kesi ya David Hicks imeharibu uhusiano baina ya Marekani na mshirika wake Australia. Kesi ya Hicks inatarajiwa kusikilizwa katika kipindi cha miezi minne ijayo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com