1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Washington. Korea ya kaskazini yapata msaada kutoka Marekani.

Rais wa Marekani George W. Bush ameidhinisha msaada wa dollar milioni 25 kwa ajili ya nishati kwa Korea ya kaskazini ikiwa ni sehemu ya makubaliano ili utawala huo wa Pyongyang uachane na shughuli zake za kinuklia.

Korea ya kaskazini imekubali katika mwezi wa Februari kuachana na mpango wake wa kinuklia ili kuweza kupata msaada wa nishati kutoka Marekani na mataifa mengine.

Tangazo hilo limekuja wakati maafisa kutoka katika mazungumzo ya nchi sita , China, Japan, Russia, Marekani na Korea zote mbili, wakikutana mjini Beijing ili kufanyiakazi utekelezaji wa makubaliano hayo.

Marekani inataka kuhakikisha kuwa kinu cha kinuklia katika eneo la Yongbyon kinafungwa kabisa, na kuutaka utawala wa Korea ya kaskazini kuondoa wasi wasi kuwa unarutubisha madini ya Uranium.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com