1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Timu Yetu

Wapiga kura wa Burma wateremka vituoni kuwachagua wabunge

Rais Barack Obama wa Marekani awataka watalawa wa kijeshi wamuachie huru mwanasiasa wa upande wa upinzani Aung San Suu Kyi

default

Picha ya kiongozi wa upinzani Aung San Suu Kyi anaetumikia kifungo cha nyumbani

Wapiga kura milioni 30 wa Burma wameteremka vituoni hii leo kulichaguwa bunge na mabaraza ya mikoa.Hii ni mara ya kwanza kwa uchaguzi kama huo kuruhusiwa na utawala wa kijeshi tangu zaidi ya miaka 20 iliyopita.Watawala wa kijeshi mjini Rangun wanawaruhusu wapiga kura katika nchi hiyo masikini ya Asia wayachague mabaraza mawili ya bunge na mabunge 14 ya mikoa.Hata hivyo wamejiwekea haki ya kuwateuwa robo moja ya wawakilishi wa taasisi hizo.

Mwanasiasa mashuhuri wa upande wa upinzani,mshindi wa zawadi ya amani ya Nobel, bibi Aung San Suu Kyi anaetumikia kifungo cha nyumbani,ametoa mwito wa kususiwa uchaguzi huo.Chama chake,NLD kimepigwa marufuku.

Rais Barack Obama wa Marekani akiwa ziarani barani Asia amewataka viongozi wa kijeshi wa Burma wamuachie huru Aung San Suu Kyi.Waziri wake wa mambo ya nchi za nje Hillary Clinton amesema uchaguzi huo wa bunge unatoa sura halisi ya jinsi wanajeshi wanavyotumia vibaya madaraka.

Burma imekuwa ikitawaliwa na wanajeshi tangu mwaka 1962 na wameibadilisha jina ,na kuiita badala yake Myanmar.

Mwandishi:Hamidou Oummilkheir/afp,reuters,dpa

Mpitiaji:Mohamed Dahman

  • Tarehe 07.11.2010
  • Mwandishi Oumilkher Hamidou
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/Q0t9
  • Tarehe 07.11.2010
  • Mwandishi Oumilkher Hamidou
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/Q0t9

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com