1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Wapalastina wapigana Gaza

Zaidi ya watu 50 wamefariki tangu machafuko ya wapalastina yalipoanza upya ijumaa iliyopita

Waziri mkuu Ismael Hanniya

Waziri mkuu Ismael Hanniya

Mapigano baina ya wafuasi wa chama cha Hamas na wale wa Fatah katika Mamlaka ya wapalastina yameripotiwa kuendelea leo, licha ya pande zote mbili kukubaliana pawepo usitishaji wa mapigano.

Zaidi ya watu 50 wamefariki tangu mapigano hayo kuanza ijuma ilipota.

Mapigano yameripuka tena leo baina ya makundi ya Wafasi wa chama cha Fatah na wale wa chama cha Hamas ambapo walinzi wawili wa chama cha Fatah wameuawa.

Mapigano haya mepya yametokea baada ya viongozi wa pande zote mbili kukubaliana kua usitishaji wa mapigano ungeanza saa 6:30 jana usiku .

Hii imepelekea idadi ya watu waliowawa katika mji wa Gaza kufikia 6 na wengine 30 kujeruhiwa vibaya, tangu Jana alipouwawa kiongozi moja wa chama cha Fatah na dereva wake katika mji wa Beit Lahiya, kaskazini mwa Gaza.

Msemaji wa chama cha Fatah, Abdulkarim Awad

amekilaumu chama cha Hamas kwa kuanzisha tena uhasama huo, wafasi wa chama hicho kuanza kufyétua risasi ,kuwauwa na kuwatekanyara walinzi wa Fatah.

Nae msemaji wa kundi la Hamas , Ayman Taha alisema jana usiku, wamekubali kusitisha mapigano na kuwaondoa wapiganaji wao Barabarani, na pia kuwaachia mateka wote.

Kundi la Hamas nalo linadai wanachama wake waliokamatwa na kundi la Fatah nao waachiwe huru.

Chama cha waandishi wa Habari wa palastina kimesema mwaandishi moja Suleiman Al-Asha, mfuasi wa chama cha Hamas , aliuwawa katika mapigano hayo.

Chama hicho cha waandishi wa Habari wa kipalastina kimeyalaani mauaji hayo na kutaka wote waliohusika wakamatwe.

Licha ya ahadi za mara kwa mara za viongozi wa palastina ; Rais Mahmoud Abbas wa chama cha Fatah na waziri mkuu Ismail Hania wa Hamas, kutaka pawepo weko amani na utulivu katika palastina lakini mipango ya usalama na utengamano wa sheria, imeshindwa kufua dafu huku koo za kipalastina zikiendelea kupigana.

Mwezi March makundi haya mawili Hamas na Fatah walisaini mkataba wa kuunda serakali ya pamoja katika mkutano wa suluhu uloitishwa na Mfalme Abdullah bin Abdulaziz wa Saudia Arabia .

  • Tarehe 14.05.2007
  • Mwandishi Omara Mutasa
  • Chapisha Chapisha ukurasa huu
  • Kiungo http://p.dw.com/p/CHES
  • Tarehe 14.05.2007
  • Mwandishi Omara Mutasa
  • Chapisha Chapisha ukurasa huu
  • Kiungo http://p.dw.com/p/CHES

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com