1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Wananchi wa Libanon waombwa kubakia shwari

NEW YORK:

Shambulizi la bomu lililomuua jemadari wa ngazi ya juu nchini Libanon,siku ya Jumatano limelaaniwa na jumuiya ya kimataifa.Brigedia Jenerali Francois al-Hajj na watu 3 wengine waliuawa katika shambulizi hilo karibu na makao rasmi ya rais katika mji wa Baabda,mashariki mwa mji mkuu Beirut.

Katibu Mkuu wa Umoja wa Mataifa,Ban Ki Moon ametoa mwito kwa wananchi wa Lebanon kubakia shwari ili kuzuia mgogoro wa kisiasa nchini humo kuwa mkubwa zaidi.Wakati huo huo Kansela wa Ujerumani,Angela Merkel amesema,ni matumaini yake kuwa waliohusika na shambulizi hilo wataadhibiwa haraka.

Marehemu al-Hajj alitazamiwa kumrithi Jenerali Michel Suleiman kama mkuu wa majeshi,iwapo juma lijalo,Suleiman atachaguliwa kama rais mpya wa Libanon.Kufuatia shambulizi la Jumatano,hali ya mvutano imezidi kuwa mbaya katika nchi ambako viongozi wanaohasimiana,wanashindwa kuafikiana kuhusu uchaguzi wa rais mpya.

  • Tarehe 13.12.2007
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/CazN
  • Tarehe 13.12.2007
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/CazN

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com