1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Timu Yetu

Wananchi Venezuela waunga mkono mabadiliko ya katiba

Rais Hugo Chavez wa Venezuela ameshinda katika kura za mabadiliko ya katiba na kuondoa kipengee katika katiba ya nchi hiyo kinachoweka ukomo wa kuwa rais.

default

Rais Hugo Chavez


Kwa mujibu wa tume ya uchaguzi ya Venezuela, Katika kura hiyo iliyofanyika jana Rais Chavez amepata asilimia 54 ya kura na kumfanya kuendelea kuwania urais hata baada ya kumalizika kwa kipindi chake cha miaka kumi mwaka 2013.


Akihutubia maelfu ya wafuasi wake muda mfupi uliyopita mara baada ya matokeo hayo kutangazwa, Rais Chavez amesema kuwa matokeo hayo yamepanua wigo wa majaaliwa ya nchi hiyo.


Rais Chavez ambaye ni mfuasi mkubwa wa siasa za kiongozi wa zamani wa Cuba Fidel Castro, amesema kuwa Venezuela kamwe sasa haitorudi katika zama za zamani alizoziita za kudhalilishwa na kudharauliwa.

Ushindi huo ni pigo kubwa kwa upinzani uliyosambaratika ambao katika miaka ya hivi karibuni uliweza kupiga hatua kuvuta uungwaji mkono.

Chavez aliingia madarakani mwaka 1999 kwa ahadi ya kupambana na rushwa ambapo amekuwa akiungwa mkono na watu wa hali ya chini kutokana na kuboresha sekta ya huduma za afya, shule pamoja na misaada ya chakula.



  • Tarehe 16.02.2009
  • Mwandishi Aboubakary Jumaa Liongo
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/Guvq
  • Tarehe 16.02.2009
  • Mwandishi Aboubakary Jumaa Liongo
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/Guvq

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com