1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Waasi wa M23 wakutana na Kabila

Waasi wa M23 wametangaza kuanzisha mazungumzo na rais wa jamhuri ya kidemokrasi ya Congo Joseph Kabila,saa chache baada ya mkutano wa kimkoa kulitaka kundi hilo kusitisha mashambulizi yake mashariki mwa nchi hiyo.

The M23 rebels spokesperson Vianney Kazarama (L) speaks to the crowd who have gathered at a stadium in Goma November 21, 2012. Rebel forces in eastern Congo said on Wednesday they planned to take control of the whole of the vast central African country after they captured the eastern town of Goma while United Nations peacekeepers looked on. REUTERS/James Akena (DEMOCRATIC REPUBLIC OF CONGO - Tags: CIVIL UNREST POLITICS)

Waasi wa M23 wakiwa mjini Goma

Wakipata ushindi mdogo kwa viongozi hao wa kimkoa, kiongozi wa kisiasa wa kundi hilo la waasi wa mashariki ya jamhuri ya Congo Jean -Marie Runiga Lugerero , amesema kuwa alikuwa na mazungumzo ya awali na Kabila baada ya mkutano huo uliofanyika mjini Kampala kumalizika.

Wakati hakualikwa binafsi katika mkutano huo , Runiga Lugerero aliliambia shirika la habari la AFP kuwa alifanikiwa kukutana na Kabila kwa kupitia upatanishi wa rais wa Uganda Yoweri Museveni, ambae alitarajiwa kufanya nae mazungumzo hii leo Jumapili(25.11.2012).

In this Wednesday Nov. 21, 2012 photo released by Uganda's Presidential Press Services, Uganda's President Yoweri Museveni, center, sits with his counterparts Paul Kagame of Rwanda, left, and Joseph Kabila of Congo during a meeting in Kampala, Uganda. The three heads of the states want the M23 rebels out of Goma, a town they captured from Congo army. (Foto:Presidential Press Services/AP/dapd)

Viongozi wa Afrika wakikutana mjini Kampala, rais Kabila (kulia) na Museveni (katikati)

"Hali ilikuwa tete lakini baadaye , kila upande ulipunguza jazba katika majadiliano kwasababu haya si matatizo ya kibinafsi , lakini ni matatizo ya nchi" ambayo inapaswa kupatiwa ufumbuzi, ameliambia shirika la habari la AFP kwa simu.

"Nafikiri mkutano huo ulikwenda vizuri sana".

Runiga Lugerero na Kabila watakutana tena leo Jumapili(25.11.2012) kujadiliana juu ya vipi mazungumzo yao yatakavyoendelea, ameongeza.

"Ndio walikutana," Waziri wa mambo ya kigeni wa jamhuri ya kidemokrasi ya Congo Raymond Tshibanda ameliambia shirika hilo la habari. Lakini amekanusha kuwa mazungumzo zaidi ya ana kwa ana kati ya Kabila na kundi la M23 yanatarajiwa.

Ugandan President, Yoweri Museveni speaks during the London Summit on Family Planning organized by the UK Government and the Bill & Melinda Gates Foundation with the United Nations Population Fund, UNFPA, in central London Wednesday July 11, 2012. (Foto:Carl Court, Pool/AP/dapd)

Rais Yoweri Museveni wa Uganda

Tangazo la Runiga Lugerero limekuja siku chache baada ya Kabila kuonekana kuondoa uwezekano wa mazungumzo na majeshi hayo ya waasi.

Na saa chache hapo kabla , katika tamko lao la kufunga kikao , viongozi wa kimkoa wametoa wito kwa wapiganaji wa kundi la M23 kusitisha mapigano na kuondoa majeshi yao katika mji muhimu wa mashariki wa Goma katika muda wa saa 48.

Runiga Lugerero , hata hivyo , ameweka wazi kuwa hatua yoyote ya kuondoa majeshi itakuja pale tu baada ya mazungumzo kati ya kundi hilo la waasi na Kabila. Wapiganaji wa M23 watalinda maeneo yao iwapo majeshi ya Congo yatashambulia, ameonya.

Kagame hakuhudhuria

Mkutano huo hata hivyo haukuhudhuriwa na rais wa Rwanda Paul Kagame. Maafisa wa Uganda wametangaza hapo mapema Jumamosi kuwa Rwanda badala yake itawakilishwa na waziri wa mambo ya kigeni Louise Mushikwabo.

Rwanda's President Paul Kagame listens to deliberations during the International Conference on the Great Lakes Region (ICGLR) at the Commonwealth Resort Hotel Munyonyo in the Ugandan capital of Kampala August 8, 2012. African leaders of the Great Lakes region say they will impose sanctions on any party obstructing peace in the volatile Democratic Republic of Congo on Wednesday. The decision was reached at the end of a two-day leaders summit on the conflict in Uganda. REUTERS/Edward Echwalu (UGANDA - Tags: POLITICS CIVIL UNREST)

Rais Paul Kagame wa Rwanda

Kagame amekuwa akikana shutuma , sio tu kutoka jamhuri ya kidemokrasi ya Congo lakini pia kutoka kwa wachunguzi wa umoja wa mataifa , kuwa Rwanda inawaunga mkono , na kuliendesha jeshi la waasi la M23 ambalo wengi wao ni kutoka kabila la Watutsi.

Waasi watakiwa kusitisha mapigano

Katika taarifa yao ya pamoja mwishoni mwa kikao chao , viongozi wa kimkoa wamelitaka kundi la waasi la M23 , "kusitisha shughuli zote za kivita", na "kuacha kusema kuwa wanataka kuiangusha serikali iliyochaguliwa ya Congo." Siku ya Jumatano, (21.11.2012), Vianney Kazarama, mmoja kati ya viongozi wa waasi, amesema kuwa Kabila ni lazima aondoke madarakani.

Waziri wa mambo ya kigeni wa Uganda Sam Kutesa amesema kuwa mkutano huo umetoa wito kwa waasi kuondoka kutoka mjini Goma na kurejea katika eneo karibu kilometa 20 kaskazini mwa mji huo.

Mwandishi: Sekione Kitojo / afpe

Mhariri: Bruce Amani

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com