1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Vikosi vya Gbagbo vyaidhibiti tena Abidjan

Umoja wa Mataifa umesema kuwa vikosi vinavyomtii kiongozi wa Cote d'Ivoire anayeng'ang'ania madaraka, Laurent Gbagbo, vimeudhibiti tena mji mkuu wa nchi hiyo, Abidjan.

default

Wanajeshi wanaomtii Laurent Gbagbo wakiwa Abidjan

Mkuu wa kikosi cha kulinda amani cha Umoja wa Mataifa, Alain Le Roy ameonya kuwa vikosi vya Gbagbo bado vina vifaru na silaha nyingine nzito na kwamba wako umbali wa kilometa moja tu kutoka kwenye hoteli ambayo ndio makao makuu ya kiongozi anayetambuliwa kimataifa, Alassane Ouattara.

Gbagbo amekataa kukabidhi madaraka kwa Ouattara tangu uchaguzi wa rais wa Novemba mwaka uliopita na ameendelea kubakia katika handaki kwenye makaazi yake mjini Abidjan, ambayo yamezingirwa na vikosi vya Ouattara.

UN Sicherheitsrat Kongo

Mkuu wa vikosi vya kulinda amani vya Umoja wa Mataifa, Alain Le Roy

Mashirika ya kutoa misaada yameonya kuongezeka kwa mzozo wa kibinaadamu nchini humo.

Wakati huo huo, Umoja wa Ulaya jana umeondoa vikwazo dhidi ya Cote d'Ivoire, ikiwemo kuzuia bandari mbili muhimu. Ouattara aliutaka umoja huo kuiondolea vikwazo nchi hiyo ambayo ipo katika machafuko kwa lengo la kuirejesha katika hali yake ya kawaida.

Mwandishi: Grace Patricia Kabogo (AFP,AP,RTRE)
Mhariri: Halima Nyanza

  • Tarehe 09.04.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/10qMG
  • Tarehe 09.04.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/10qMG

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com