1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

VIENNA: Iran kutayarisha mpango wa kutenzua mgogoro wa nyuklia

Mkuu wa Shirika la Nishati ya Atomu la Umoja wa Mataifa,IAEA bwana Mohamed El-Baradei amesema, msuluhishi mkuu wa Iran kuhusu masuala ya nyuklia,bwana Ali Larijani,amekubali kuandaa katika kipindi cha miezi miwili,mpango wa kutafuta njia za kuutenzua mgogoro wa nyuklia wa Iran.El-Baradei amesema,mkutano wake wa saa mbili pamoja na Larijani siku ya Ijumaa umeridhisha. Wakati huo huo,akaongezea kuwa tatizo kuu la shirika hilo la Umoja wa Mataifa ni kutekeleza ukaguzi kamilifu nchini Iran.Hii leo,Larijani anakutana na mkuu wa sera za nje wa Umoja wa Ulaya,Javier Solana nchini Ureno.Nchi za Magharibi zina hofu kuwa mradi wa Iran utatumiwa kutengeneza silaha za nyuklia.Iran lakini inashikilia kuwa mradi wake wa nyuklia ni kwa matumizi ya kuzalisha nishati.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com