Utawala wa visiwa vya Comoro wataka kiongozi muasi kurejeshwa nchini humo. | Habari za Ulimwengu | DW | 27.03.2008
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Utawala wa visiwa vya Comoro wataka kiongozi muasi kurejeshwa nchini humo.

Moroni.

Utawala wa visiwa vya Comoro umedai leo kuwa unataka Ufaransa imrejeshe kiongozi muasi ambaye anatakiwa katika visiwa hivyo kujibu mashtaka ya uhalifu dhidi ya ubinadamu na majeshi yalifyatua mabomu ya kutoa machozi kuwazuwia waandamanaji dhidi ya kufanya ghasia katika ubalozi wa Ufaransa.

Mohammed Bakar , mwenye umri wa miaka 45 ambaye alijitangaza kuwa kiongozi wa Anzuan , alikimbilia katika kisiwa cha karibu kinachomilikiwa na Ufaransa cha Mayotte baada ya mashambulizi makali yaliyofanywa na wanajeshi wa jeshi la umoja wa Afrika na yale ya Comoro.

Serikali ya Ufaransa imesema kuwa kiongozi huyo muasi ameomba hifadhi ya kisiasa.

Ufaransa , pamoja na Marekani , ziliunga mkono operesheni hiyo kumuondoa madarakani kiongozi huyo muasi, ambaye ni mwanajeshi wa zamani aliyepata mafunzo Ufaransa na ambaye alitwaa madaraka mwaka 2001 na kung'ang'ania hadi alipofanya uchaguzi ambao ulielezwa kuwa ni batili mwaka jana katika kisiwa cha Anzouan, moja kati ya visiwa vitatu vinavyounda Comoro.

Wengi wa wakaazi wa Anzouan wanamshutumu kwa kutawala kwa kutumia vitisho na ghasia na kuendea kinyume haki za binadamu kwa kutumia vitendo vya mateso.

  • Tarehe 27.03.2008
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/DVpK
  • Tarehe 27.03.2008
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/DVpK

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com