1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Timu Yetu

Upinzani wasema unakaribia kuchukua madaraka Zimbabwe

Miito yatolewa kutaka matokeo rasmi ya mwisho yatangazwe

default

Wazimbabwe wakifuatilia matokeo kwenye televisheni ya taifa mjini Harare

Upinzani nchini Zimbabwe umesema unakaribia kuchukua uongozi baada ya kupuuza tetesi kwamba utafanya mazungumzo ya kuondoka madarakani kwa rais Robert Mugabe.

Kiongozi wa upinzani, Morgan Tsvangirai na viongozi wa serikali ya Mugabe wamekanusha ripoti za vyombo vya habari kwamba mkataba umefikiwa kuandaa kuondoka kwa Mugabe madarakani baada ya kutawala kwa miaka 28 mfululizo.

Upinzani umejiongezea viti zaidi na kusonga mbele dhidi ya chama tawala cha ZANU- PF kwa mujibu wa matokeo rasmi ya uchaguzi wa bunge uliofanyika Jumamosi iliyopita nchini humo.

Tume ya uchaguzi ya Zimbabwe inasema chama cha upinzani cha Movement for Democratic Change, MDC, na kundi lake lililojitenga kwa pamoja pande hizo zimeshinda viti 90 vya ubunge ikilinganishwa na viti 85 vilivyoshindwa na chama cha ZANU-PF. Matokeo ya mwisho rasmi ya uchaguzi wa bunge yanatarajiwa kutangazwa leo.

Simbabwe, Morgan Tsvangirai, Oppositionsführer

Kiongozi wa chama cha MDC Morgan Tsvangirai

Akizungumza na waandishi wa habari mjini Harare, kiongozi wa upinzani Morgan Tsvangirai, amekataa kudai ushindi akisema anataka kusubiri matokeo rasmi ya mwisho.

Kufikia sasa matokeo rasmi ya uchaguzi wa rais bado hayatangazwa, lakini kwa mujibu wa matokeo yasiyo rasmi Tsvangirai amemshinda rais Robert Mugabe katika uchaguzi wa rais, bunge na wa serikali za mitaa, lakini hakupata wingi wa kura kukwepa awamu ya pili ya uchaguzi.

Viongozi wa nchi mbalimbali duniani wameitolea mwito Zimbabwe iharakishe kutangaza matokeo ya mwisho rasmi ya uchaguzi huku Umoja wa Ulaya ukiwa na matumaini kuwa utawala wa miaka 28 wa rais Robert Mugabe huenda unakaribia kufika mwisho.

Marekani na Uingereza zimeongoza miito ya kuitaka serikali ya mjini Harare iheshimu uamuzi wa wananchi na kutangaza matokeo.

Großbritannien London Terror Autobombe entdeckt Gordon Brown

Waziri mkuu wa Uingereza Gordon Brown

Waziri mkuu wa Uingereza, Gordon Brown, amesema haki ya kidemokrasia ya Wazimbabwe sharti iheshimiwe na kutaka matokeo yatolewe.

Katibu mkuu wa Umoja wa Mataifa, Ban Ki Moon, ametoa mwito kuwepo na uwazi katika zoezi la kuhesabu kura ili wazimbabwe wawe na imani na matokeo.

Wakati huo huo, askofu mkuu wa zamani wa Afrika Kusini, Desmond Tutu, amesema anaunga mkono makubaliano yatakayozuia kutokea kwa machafuko ya umwagaji damu nchini Zimbabwe kutokana na matokeo ya uchaguzi.

  • Tarehe 02.04.2008
  • Mwandishi Charo, Josephat
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/DYzc
  • Tarehe 02.04.2008
  • Mwandishi Charo, Josephat
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/DYzc

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com