1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Ujerumani yapanua operesheni dhidi ya maharamia

Bunge la Ujerumani limepitisha uamuzi wa kupanua operesheni yake ya kupambana na maharamia katika pwani ya Somalia. Sasa wanajeshi wanaweza kuwashambulia maharamia hao katika nchi kavu na si wakiwa majini tu.

EU-Mission Atalanta

EU-Mission Atalanta

Operesheni ya wanajeshi wa nchi za Umoja wa Ulaya wanaoilinda pwani ya Somalia inafahamika kwa jina la Atalanta. Jana wabunge wa vyama tawala vya Ujerumani, yaani chama cha Christian Democratic Union, CDU, na chama cha waliberali, FDP, walipiga kura ya kukubali kuongezwa kwa operesheni ya Atalanta. Hata hivyo vyama vya upinzani vilipiga kura ya kupinga uamuzi huo. Uamuzi uliopitishwa jana unawapa wanajeshi wa Ujerumani haki ya kuwashambulia maharamia hata katika nchi kavu. Hata hivyo, wanajeshi hao wanaruhusiwa kuingia kiasi cha kilometa mbili tu kutoka ufukweni na kushambulia ghala za maharamia kwa kutumia helikopta au ndege za kijeshi.

Bunge la Ujerumani, Bundestag

Bunge la Ujerumani, Bundestag

Bunge la Ujerumani limepitisha pia uamuzi wa kuongeza muda wa operesheni ya kupambana na maharamia inayoongozwa na Umoja wa Ulaya. Hadi kufikia mwezi Mei mwaka 2013, wanajeshi wapatao 1,400 watakuwa wakipiga doria katika meli za kijeshi na kukamata meli zilizotekwa na maharamia wa Kisomali au meli za maharamia wenyewe. Kwa njia hiyo, Umoja wa Ulaya unataka kuhakikisha kwamba shehena za chakula cha msaada kunachopelekwa katika nchi za pembe ya Afrika kinawafikia walengwa. Mbali na hayo, Umoja huo unataka kurejesha hali ya usalama kwenye njia ya usafiri katika Bahari ya Hindi.

Westerwelle atetea uamuzinwa serikali

Waziri wa mabo ya nje wa Ujerumani, Guido Westerwelle

Waziri wa mambo ya nje wa Ujerumani, Guido Westerwelle

Akiyatetea maamuzi ya serikali yake ya kupanua operesheni ya Atalanta, waziri mambo ya nje wa Ujerumani, Guido Westerwelle, aliwaambia wapinzani bungeni: "Operesheni hii inahusika na kutafuta njia salama za kusafirisha chakula. Ni muhimu kuendeleza operesheni hii," alisema waziri huyo. "Ninasikitika kuona kwamba ninyi mmekataa kuendelea kupigana na maharamia kwa sababu za kisiasa. Ninatumaini kuwa hii si ishara ya kwamba wapinzani wanafuata njia nyingine katika siasa za nje. Ninatumaini kwamba mtatambua ukweli wa mambo."

Hata hivyo, Westerwelle alisisitiza kuwa wanajeshi wa nchi yake hawatakanyaga nchi kavu ya Somalia. Maharamia walioko katika nchi kavu watashambuliwa kutoka angani. Kiongozi wa chama cha walinda mazingira, Die Grünen, katika bunge, Bw. Jürgen Trittin, ameeleza kwamba suala la kuishambulia nchi kutoka angani ni la hatari sana, na ndiyo maana chama chake hakikuunga mkono uamuzi uliopitishwa jana.

Mwandishi: Elizabeth Shoo/Reuters/afp

Mhariri: Othman Miraji

  • Tarehe 11.05.2012
  • Mwandishi Admin.WagnerD
  • Maneno muhimu westerwelle
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/14ti8
  • Tarehe 11.05.2012
  • Mwandishi Admin.WagnerD
  • Maneno muhimu westerwelle
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/14ti8

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com