1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Timu Yetu

Tvangirai asema mazungumzo ya kugawana madaraka yapiga hatua

Suali bado ni je nani atakubali kumuachia mwenzake aongoze nchi?

default

Morgan Tvangirai na Robert Mugabe wavutana nani awe kiongozi wa nchi

Kiongozi wa chama cha Upinzani cha MDC nchini Zimbabwe Morgan Tsvangirai hii leo amesema kwamba mazungumzo juu ya suala la kugawana madaraka yamepiga hatua nzuri na kutoa matumaini huenda mzozo wa kisiasa nchini humo ukafikia kikomo.Tsvangirai ameyasema hayo mbele ya waandishi wa habari katika mkutano wa kilele wa viongozi wa eneo hilo.

Aidha chama cha MDC kitakutana viongozi wa nchi za kusini mwa Afrika katika mkutano huo kujaribu kuumaliza mvutano unaokwamisha juhudi za kuuokoa uchumi wa nchi hiyo uliosambaratika.

Hadi sasa Tsvangirai na rais Mugabe wanavutana juu ya nani atakuwa kiongozi wa nchi.Viongozi 14 wa jumuiya ya maendeleo ya nchi za kusini mwa Afrika SADC walijadiliana muswaada wa makubaliano ya kugawana madaraka katika kikao cha faragha ambacho pia kilihudhuriwa na rais Mugabe na kiongozi wa upinzani Morgan Tsvangirai.

Kwa mujibu wa duru za kidiplomasia zilizo karibu na kikao hicho ni kwamba makubaliano ya kugawana madaraka huenda huenda yakasainiwa hivi karibuni.Hapo jana rais wa Afrika Kusini ambaye amepewa jukumu la upatanishi katika mgogoro wa Zimbabwe amesema huu ni wakati muafaka wa kuunga mkono Mazungumzo hayo.

  • Tarehe 17.08.2008
  • Mwandishi Saumu Mwasimba
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/Eyq2
  • Tarehe 17.08.2008
  • Mwandishi Saumu Mwasimba
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/Eyq2

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com