1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Tunisia maandamano yaendelea

Polisi wameshiriki katika maandamano nchini Tunisia, wakisema kuwa wanawajibika kwa wananchi.

default

Waandamanaji wakiimba kauli mbiu za kumtaka waziri mkuu Ghannouchi kujiuzulu mjini Tunis.

Waandamanaji nchini Tunisia wamedai kuondoka madarakani kwa waziri mkuu jana na mchunguzi mmoja ameahidi kufichua jukumu la wizara ya mambo ya ndani katika kushambuliwa kwa risasi kwa watu kadha waliokuwa wakiandamana. Wakitiwa nguvu na kuondoka madarakani kwa rais wa nchi hiyo wiki moja iliyopita, katika mapinduzi ya Jasmini, waandamanaji waliingia mitaani kujaribu kulazimisha kuondolewa kwa wafuasi wake serikalini.

Wakiwa hawaridhishwi na ahadi yake ya kuondoka madarakani mara uchaguzi huru utakapofanyika, mamia ya waandamanaji walipita kwa nguvu katika uzio uliowekwa na polisi katika ofisi ya waziri mkuu Mohamed Ghannouchi. Siku ya Ijumaa, Ghannouchi aliyebaki kuiongoza serikali ya mpito , baada ya rais Zine al-Abidine Ben Ali kukimbia hapo Januari 14, ametoa wito wa uvumilivu.

Lakini wakati akikutana na baraza jipya la mawaziri jana Jumamosi , maelfu ya watu waliandamana ikiwa ni pamoja na polisi wa nchi hiyo.

  • Tarehe 23.01.2011
  • Mwandishi Sekione Kitojo
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/10185
  • Tarehe 23.01.2011
  • Mwandishi Sekione Kitojo
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/10185

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com