1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

TRIPOLI: Libya yawatia mbaroni wahamiaji.

Maafisa wa serikali ya Libya wamesema mwezi uliopita waliwakamata watu zaidi ya elfu moja na mia moja waliojaribu kuingia Ulaya kupitia nchi hiyo.

Shirika la Habari la Libya, JANA, limesema watu wengine takriban elfu mbili waliokuwa wamekamatwa awali, walirejeshewa makwao mwezi uliopita.

Mnamo miaka ya tisini, Libya iliwaruhusu wahamiaji kutoka mataifa mengine ya Afrika kuingia kufanya kazi nchini humo kusaidia kuuinua uchumi wa nchi hiyo uliokuwa umedorora kutokana na vikwazo vya kiuchumi.

Hata hivyo serikali hiyo imeubadilisha msimamo wake siku za karibuni kwa sababu ya shinikizo kutoka mataifa ya Ulaya yayoizingatia Libya kuwa kituo kikuu cha raia wa Kiafrika wanaokimbia mataifa yao wakidhamiria kuja Ulaya kutafuta maisha.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com