1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

TOKYO: Shinzo Abe abadili baraza lake la mawaziri

Waziri mkuu wa Japan, Shinzo Abe, leo amelifanyia mabadiliko baraza lake la mawaziri na uongozi wa chama tawala katika juhudi zake za kujiimarisha huku umaarufu wake ukiendelea kushuka nchini humo.

Shinzo Abe amemteua Nobutaka Machimura kuwa waziri wa mashauri ya kigeni, wadhifa aliokuwa nao katika serikali ya waziri mkuu wa zamani wa Japan, Junichiro Koizumi. Aliyekuwa waziri wa sheria na mashauri ya kigeni, Masahiko Komura, ameteuliwa kuwa waziri wa ulinzi.

Katibu wa baraza la mawaziri la Japan amesema anaamini waziri mkuu Shinzo Abe amewateua viongozi wanaoweza kutekeleza wajibu wao, lakini akaonya kuwa hakuna njia ya mkato itakayomuwezesha waziri mkuu Shinzo Abe kupata uungwaji mkono kwa haraka katika baraza lake la mawaziri.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com