1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

TOKIO: Wataalamu kuchunguza uharibifu kwenye mtambo wa nyuklia

Tume ya wataalamu wa kinyuklia wa Umoja wa Mataifa,imewasili Japan kutathmini hali ya mtambo wa nyuklia ulioharibika vibaya sana katika tetemeko la ardhi la tarehe 16 mwezi Julai.Watu 11 walipoteza maisha yao na zaidi ya 1,000 wengine walijeruhiwa katika tetemeko hilo lililokuwa na nguvu ya 6.8 katika Kipimo cha Richter.Tetemeko hilo pia lilisababisha mtambo huo kuwa na kasoro kadhaa na kuvuja.Hali hiyo imezusha wasiwasi kuhusu usalama katika mitambo ya nyuklia ya Japan.

Kuanzia Jumatatu,tume ya Shirika la Nishati ya Kinyuklia la Umoja wa Mataifa IAEA,kwa muda wa siku nne,inatazamia kuuchunguza mtambo uliopata madhara.Siku ya Ijumaa tume hiyo itakutana na maafisa wa Kijapani wanaoshughulikia usalama wa nishati ya nyuklia.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com