1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

TEL AVIV:Israel yamlenga Waziri Mkuu wa Palestina

Israel imesema kuwa Waziri Mkuu wa Palestina kutoka kundi la Hamas Ismail Haniya huenda akawa mmoja wa walengwa katika mashambulizi ya anga watakayofanya.

Naibu Waziri wa Ulinzi wa Israel Ephraim Sneh akizungumza katika radio ya taifa ya nchi hiyo, amesema kuwa hakuna kamanda au kiongozi yoyote wa chama cha Hamas mwenye kinga dhidi ya mashambulizi ya Israel.

Hatua hiyo ya Israel inatokana na shambulizi la roketi lililorushwa na wanamgambo wa kipalestina kutokea Gaza ambalo lilipelekea kifo cha mwanamke mmoja wa Kisrael na wengine wawili kujeruhiwa.

Hapo jana ndege za Israel zilishambulia katikati ya Gaza zikilenga nyumba za viongozi wa Hamas, ambapo mamlaka ya wapalestina imesema kuwa watu saba walijeruhiwa.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com