1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

TEL AVIV : Maelfu wamtaka Olmert ajiuzulu

Waziri Mkuu wa Israel Ehud Olmert ameendelea kun’gan’gania madaraka licha ya wito wa kumtaka an’gatuke kutoka sehemu kubwa ya wabunge na maandamano ya takriban watu 70,000 mjini Tel Aviv hapo jana.

Hatua hiyo inakuja kufuatia repoti kali ya tume ya uchunguzi ya Israel juu ya namna alivyoshughulikia vita vya mwaka jana dhidi wanamgambo wa Hizbollah nchini Lebanon vita ambavyo Israel iliboronga.

Kiongozi wa upinzani bungeni Benjamin Netanyahu ametowa wito wa kufanyika kwa uchaguzi mpya.Hapo Jumataano waziri wa mambo ya nje wa Israel Tzipi Livni wa chama chake mwenyewe Olmert cha Kadima ametowa wito hadharani wa kumtaka waziri mkuu huyo wa Israel ajiuzulu.

Hata hivyo hapo jana hakukuwa na kura bungeni ya kutokuwa na imani na serikali.

Wachambuzi wa mambo wanasema kwamba wanachama wa Kadima wanahofu kuwa iwapo utafanyika uchaguzi chama hicho kitashindwa.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com