1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

TEHRAN: Iran kurutubisha uranium viwandani

Rais wa Iran Mahmoud Ahmadinejad amesema nchi yake iko tayari kuanza urutubishaji wa madini ya uranium kwa kiwango kikubwa katika viwanda.

Akizungumza kwenye sherehe ya kuadhimisha mwaka mmoja tangu Iran ilipofaulu kurutubisha uranium katika kinu chake cha Natanz, rais Ahamadinejad amesisitiza kwamba Iran imetumia haki yake kisheria kwa mujibu wa sheria za kimataifa kuendeleza teknolojia ya nyuklia.

Serikali ya Tehran inadai mpango wake wa nyuklia ni wa matumizi ya amani na wala si vinginevyo.

Msemaji wa wizara ya mambo ya ndani nchini Marekani, Mark McComark, amesema uamuzi huo wa Iran kuanzisha urutubishaji wa uranium viwandani ni ukaidi zaidi dhidi ya jumuiya ya kimatiafa.

McComark amesema hotuba ya rais Ahamadinejad imedhihirisha kwamba vikwazo vya Umoja wa Mataifa dhidi ya Iran kuhusiana na mpango wake wa nyuklia ni halali.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com