1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Taliban waua polisi Afghanistan

Nchini Afghanistan kikundi cha wanamgambo wa Taliban kimevamia kituo cha polisi kuwauwa na kuwateka polisi kadhaa, tukio linalodhihirisha kuwa bado hali nchini humo ni tete.

Mojawapo ya shambulio la Taliban

Mojawapo ya shambulio la Taliban

Tukio hilo lilifanyika katika jimbo la Badakhshan usiku mzima huku wanamgambo hao wa Taliban wakipigana kwa kujiamini bila woga na kusababisha mauaji ya maafisa hao na wengine wawili wakijeruhiwa vibaya pamoja na maafisa watatu hawajulikani walipo.

Kulingana na taarifa za Gavana Msaidizi wa jimbo moja jirani na hapo Shamsul Rahman Shams anasema kulikuwa na mapigano makali katika eneo hilo katika milima ya Wardaj.

Gavana huyo ameliambia Shirika la Habari la Ufaransa(AFP) akiwa katika mji wa Faizabad kuwa polisi walijaribu kujibu mashambulizi lakini Wataliban waliwazidi nguvu na kuwateka polisi na kuondoka nao kueleke mahala kusikojulikana.

Gavan Shams amehakikisha kuwa malori mawili ya polisi nayo yalitekwa yakiwa na shehena kubwa ya risasi iliyokuwamo katika magari hayo.

Askari wa Afghanistan akiwa katika majukumu yake

Askari wa Afghanistan akiwa katika majukumu yake

Taliban yapata msaada Asia ya kati

Eneo kulikofanyika mashambulio hayo kupo jirani na mpaka wa Pakistan, Tajikistan na China katika Asia ya kati. Kuna madai kuwa Wataliban hao wameweza kufanya shambulio hilo kwa msaada kutoka kwa askari wa mataifa ya Asia ya kati bila ya kutajwa nchi wanakotoka.

Jeshi la Afghanistan kwa sasa lina polisi 170,000, wakipewa mafunzo, vifaa na kulipwa mishahara na Marekani sambamba na Askari wa Marekani na wale wa Jumuiya ya Kujiami ya Ulaya (NATO) ambao kwa sasa ni 30,000. Jumla kukiwa na vikosi vya usalama vya askari laki mbili wanaopambana na Taliban.

Askari wa Marekani wakiwasili katika mojawapo ya eneo nchini Afghanistan

Askari wa Marekani wakiwasili katika mojawapo ya eneo nchini Afghanistan

Majeshi ya Marekani yamepanga kumaliza mpango wa kuondoka Afghanistan mwaka 2014 ambapo majukumu ya ulinzi na usalama wa taifa hilo yatakuwa chini ya Afghanistan yenyewe na inatarajiwa kuwa na Askari 352,000 mwaka huo.

Kwa mwaka huu kumefanyika mashambulio kadhaa ambayo kwa hakika yanatoa tashwira kuwa vikosi vya Usalama vya Jumuiya ya Kujiami ya Ulaya (NATO) pamoja na Marekani vimeshindwa kabisa kuleta amani nchini Afghanistan.

Mwandishi:Adeladius Makwega/AFPE

Mhariri:Mohammed Abdul-Rahman

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com