1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Syria; Makubaliano huenda yakafikiwa

Mjumbe wa kimataifa nchini Syria Lakhdar Brahimi amedokeza leo(24.10.2012)kuwa pande zinazohusika katika mzozo nchini Syria huenda zikakubaliana kusitisha mapigano katika wakati wa sikukuu ya Waislamu ya Idd el Hajj.

epa03440917 A handout picture released by the Syrian Arab news agency SANA shows Syrian president Bashar Assad (L) receiving the joint UN and Arab League peace envoy Lakhdar Brahimi (C) and Syrian Deputy Foreign Minister Faysal Al Mokdad (R) at the presidential palace in Damascus, Syria, 21 October 2012. EPA/SANA HANDOUT EDITORIAL USE ONLY/NO SALES

Rais Assad akikutana na Brahimi mjini Damascus

Wakati huo huo mamia ya wakimbizi kutoka Syria wameingia katika kambi ya muda ya wakimbizi karibu na mpaka wa Uturuki, wakikimbia kile walichosema kuwa ni wiki ya mashambulizi makali ya jeshi la serikali tangu kuanza kwa vuguvugu la uasi miezi 19 iliyopita.

Akizungumza mjini Cairo, mjumbe wa kimataifa wa amani nchini Syria Lakhdar Brahimi amesema kuwa pande zinazohusika katika mzozo nchini Syria huenda zikakubaliana kimsingi kusitisha mapigano.

Brahimi amesema kuwa pande zinazohusika zitatangaza makubaliano hayo baadaye. Ameongeza kuwa iwapo makubaliano hayo yatafikiwa ,yatasafisha njia kwa makubaliano imara zaidi ya kusitisha mapigano na kuelekeza katika hatua za kisiasa.

Baraza la usalama

Mjumbe huyo wa kimataifa wa amani nchini Syria atalihutubia baraza la usalama la umoja wa mataifa kwa njia ya video kutoka Cairo, kwa mujibu wa msemaji wa umoja wa mataifa Martin Nesirky.

"Brahimi anajitahidi kwa uwezo wote alionao, kama anavyofanya katibu mkuu, kwa kuwa huu ni wakati muhimu sana," Nesirky amewaambia waandishi habari mjini New York.

Brahimi amekutana na rais Bashar al-Assad siku ya Jumapili wakati wa ziara yake ya siku tano nchini Syria katika azma ya kujaribu kufikia makubaliano ya kusitisha mapigano kati ya majeshi ya serikali na waasi katika muda wa siku nne za sikukuu ya Eid al-Adha, ambayo inaanza Ijumaa.

Kofi Annan , mtangulizi wa Brahimi katika usuluhishi wa mzozo huu, alijitoa kutoka ujumbe huo mwezi August, akilaumu mgawanyiko uliopo katika baraza la usalama la umoja wa mataifa na kushindwa kwa serikali ya Syria kutekeleza makubaliano ya kusitisha mapigano ambayo hayakuwezekana.

Brahimi anatarajiwa kukutana leo(24.10.2012) mjini Cairo na katibu mkuu wa jumuiya ya mataifa ya Kiarabu , Arab League Nabil al-Arabi kwa mazungumzo kuhusiana na mzozo huo uliodumu sasa miezi 20.

ARCHIV - Der ägyptische Außenminister Nabil al-Arabi gestikuliert bei einer Pressekonferenz am 15.03.2011 in Kairo. Nabil al-Arabi ist am Sonntag (15.05.2011) zum neuen Generalsekretär der Arabischen Liga bestimmt worden. Die Außenminister der 22 Mitgliedsstaaten sprachen ihm am Sitz der Organisation in Kairo einmütig das Vertrauen aus. EPA/AMEL PAIN +++(c) dpa - Bildfunk+++

Katibu mkuu wa Arab League Nabil al-Arabi

Mapigano yanaendelea

Nchini Syria kwenyewe , majeshi ya serikali yameongeza mashambulizi yake katika jimbo la kaskazini la Idlib wakiwania kuudhibiti tena mji muhimu uliotekwa na waasi wiki moja iliyopita.

Kwa mujibu wa shirika la uchunguzi wa haki za binadamu nchini Syria , kiasi ya watu 190 wameuwawa jana nchini humo ikiwa ni pamoja na watu 77 waliouwawa katika maeneo ya vitongoji vya nje ya mji mkuu Damascus.

A view shows the wreckage after a car bomb exploded near a police station in the central Bab Touma district of Damascus October 21,2012, in this handout photograph released by Syria's national news agency SANA. Ambulances sped to the site and security forces cut off access to the area. Several cars were burnt, the witnesses said.The explosion took place as President Bashar al-Assad was meeting international envoy Lakhdar Brahimi, who has called for a temporary truce in Syria's civil war. REUTERS/Sana (SYRIA - Tags: CIVIL UNREST MILITARY POLITICS CONFLICT) FOR EDITORIAL USE ONLY. NOT FOR SALE FOR MARKETING OR ADVERTISING CAMPAIGNS. THIS IMAGE HAS BEEN SUPPLIED BY A THIRD PARTY. IT IS DISTRIBUTED, EXACTLY AS RECEIVED BY REUTERS, AS A SERVICE TO CLIENTS

Shambulio la bomu katika mji wa Damascus

Wakati huo huo mamia ya wakimbizi wamemiminika katika kambi ya muda ya wakimbizi karibu na mpaka na Uturuki , wakikimbia kile walichosema kuwa ni mashambulio makubwa ya makombora ya jeshi ya Syria tangu vuguvugu hilo la uasi kuanza miezi 19 iliyopita.

Katika muda wa siku mbili zilizopita , mahema 700 yamewekwa katika eneo kubwa la shamba la mizaituni katika eneo la milima ndani ya Syria na wakimbizi wote wameorodheshwa.

Familia kadha ambazo hazina makaazi zimeingia katika kambi hiyo na kujikuta hazina nafasi ya kujihifadhi, lakini wanahofu ya kurejea katika makaazi yao kutokana na hali mbaya ya mashambulizi ya mfululizo ya kila siku.

Mwandishi : Sekione Kitojo / dpae / rtre

Mhariri :Hamidou Oummilkheir

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com