1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

SREBRENICA: Mabaki ya Waislamu kuzikwa leo

Mabaki ya waislamu zaidi ya 450 waliouwawa miaka 12 iliyopita huko Srebrenica, katika mauaji mabaya zaidi kuwahi kufanywa barani Ulaya tangu kumalizika kwa vita vya pili va dunia, yatazikwa hii leo.

Manusura kiasi ya 30,000 na jamaa za wahanga wanatarajiwa kuhudhuria maziko hayo kwenye eneo la makaburi ambako maiti nyingine za watu zaidi 2,400 waliouwawa wakati huo, zilizikwa.

Muongozaji mkuu wa mashtaka ya uhalifu wa kivita wa Umoja wa Mataifa, Carla Del Ponte, atahudhuria maziko hayo.

Mabaki ya watu 465 yaliyopatikana kwenye makaburi ya halaiki huko Srebrenica, yametambuliwa kupitia kipimo cha nasaba, DNA.

Mwishoni mwa vita vya Bosnia kati ya mwaka wa 1992 na 1995, vikosi vya Serbia viliivamia Srebrenica na kuwaua Waislamu takriban 8,000 wanaume na vijana.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com