1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Timu Yetu

Shughuli ya kubadilishana wafungwa yaanza leo

Wafungwa watano wa Lebanon wamehamishwa kutoka jela moja ya Israel na kusafirishwa hadi eneo la mpakani katika hatua iliyoridhiwa ya kubadilishana wafungwa.Maiti za wanajeshi wawili wa Israel nazo pia zimo msafarani

default

Karnit Goldwasser,mkewe Ehud Goldwasser mmoja ya wafungwa wa Israel

Kundi hilo la wafungwa linajumuisha mpiganaji mmoja aliyeshtakiwa kwa kuhusika na vitendo katili katika historia ya Israel.


Baraza la mawaziri la Israel liliidhinisha hapo jana hatua ya kumuachia huru Samir Kuntar.Kwa upande wake inataraji kurejeshewa maiti za wanajeshi wawili Eldad
Regev and Ehud Goldwasser ambao walikuwa hawajulikani waliko tangu kutekwa na kundi la Hezbollah miaka miwili ilyiopita.Isaac Herzog ni Waziri wa masuala ya Jamii nchini Israel na ameelezea msimamo wa serikali yake.

''Serikali ya Israel imefanya uamuzi ambao si rahisi unaothamini binadamu ili kutimiza lengo la kuwarejesha nyumbani wanajeshi wetu wasiojulikana waliko vilevile walioshiriki katika vita kuilinda nchi yetu ....si jambo rahisi na athari zake ni kubwa.''

Lebanon kwa upande wake inataraji kumpokea Samir Kuntar aliyekuwa jela Israel kwa miaka 29 pamoja na wapiganaji wake wanne Maher Kourani, Khodor Zaidan,
Mohammed Srour and Hussein Suleiman.waliokamatwa wakati wa vita vya Lebanon.Samir Kuntar alikuwa anatumikia kifungo cha maisha baada ya kuwaua Waisraeli wanne mwaka 1979 alipokuwa mwanachama wa kundi la wanamgambo wa KiPalestina.


Hatua hii ya kubadilishana wafungwa inafanyika miaka miwili baada ya pande zote mbili kupigana vita vilivyodumu mwezi mmoja.Israel kadhalika itaikabidhi Lebanon maiti za waarabu 200 waliouawa walipokuwa wakijaribu kuingia eneo la kaskazini.

Shirika la msaada la msalaba mwekundu ICRC linaripotiwa kuchukua jukumu la kufanikisha shughuli hiyo inayotarajiwa kufanyika saa kumi na mbili za London GMT.


  • Tarehe 16.07.2008
  • Mwandishi Mwadzaya, Thelma
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/EdEK
  • Tarehe 16.07.2008
  • Mwandishi Mwadzaya, Thelma
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/EdEK

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com