1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Serikali yashutumu upinzani.

Nairobi.

Serikali ya Kenya jana Jumapili imepuuzia madai mapya kuwa inapanga kufanya hila kuiba kura katika uchaguzi utakaofanyika wiki hii, na badala yake imeushutumu upande wa upinzani kwa kujaribu kupanga njama za kuzusha ghasia nchini humo.

Vyama viwili vikuu vya upinzani vimekishutumu chama cha PNU cha rais Mwai kibaki , ambaye yuko nyuma katika maoni ya wapiga kura , kwa kupanga mpango wa kuiba kura na kuibuka mshindi katika uchaguzi wa hapo Desemba 27.

Mgombea wa upinzani Raila Odinga ameandika barua kwa tume ya uchaguzi ya Kenya, kamishna wa polisi na ujumbe wa makundi ya kuangalia uchaguzi huo , akielezea mpango huo wa serikali.Maafisa wamesema kuwa licha ya kwamba Raila alitoa shutuma kama hizo mapema mwezi huu, mkuu wa tume ya uchaguzi Samuel Kivuitu amesema jana kuwa timu yake itafanya kile iwezalo kuzuwia wizi wa kura. Wakati huo huo polisi wamesema kuwa mtu mmoja ameuwawa katika jimbo la pwani siku ya Jumamosi, na kufikisha idadi ya watu waliouwawa katika ghasia kabla ya uchaguzi kufikia 73.

  • Tarehe 24.12.2007
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/Cfds
  • Tarehe 24.12.2007
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/Cfds

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com