1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

SEOUL : Treni zavuka mpaka wa Korea

Treni mbili zimevuka kanda yenye ulinzi mkali wa kijeshi ambayo inazitenganisha Korea ya Kaskazini na ya Kusini kwa mara ya kwanza kabisa tokea vilipoanza vita vya Korea hapo mwaka 1950.

Treni iliotokea Korea ya Kusini ilisindikizwa kwa fataki na mamia ya watu waliokuwa wakipeperusha bendera.Majaribio ya safari hizo za reli kwenye njia mbili za reli zilizokarabatiwa upya katika maeneo ya magharibi na mashariki ya bara la Korea yanakuja baada ya kucheleweshwa mara kadhaa tokea njia hizo za reli zilipounganishwa miaka minne iliopita.

Korea Kusini imetowa msaada wa kama dola milioni 80 kwa viwanda vidogo vidogo vya Korea Kaskazini kuishawishi serikali ya nchi hiyo kuruhusu safari hizo za reli.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com