1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Saudi Arabia kuhudhuria mkutano kuhusu amani ya Mashariki ya Kati

Waziri wa mashauri ya kigeni wa Saudi Arabia, mwanamfalme Saud al Faisal, amesema Saudi Arabia itahudhuria mkutano unaolenga kuyafufua mazungumzo ya kuumaliza mgogoro baina ya Israel na Palestina, utakaofanyika huko Annapolis katika jimbo la Maryland, nchini Marekani.

Kushiriki kwa Saudi Arabia katika mkutano huo kutamuongezea nguvu rais wa mamlaka ya Palestina, Mahmoud Abbas, kuweza kufikia makubaliano na kumsaidia waziri mkuu wa Israel, Ehud Olmert, kuyawasilisha makubaliano hayo kwa Waisraeli ili wawe na amani na nchi za kiarabu.

Marekani imeukaribisha uamuzi wa Saudi Arabia kuhudhuria mkutano wa mjini Annapolis, na kuzitolea mwito nchini nyingine za kiarabu pia zihudhurie. Syria imesema Marekani imekubali kuliingiza swala la ardhi ya milima ya Gholan katika ajenda ya mkutano huo.

Waziri wa mashauri ya kigeni wa Syria, Walid al Moualem, amesema Syria itaamua ikiwa ihudhurie mkutano wa Annapolis, mara tu itakapopokea ratiba ya mkutano huo.

  • Tarehe 24.11.2007
  • Mwandishi
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/CSgX
  • Tarehe 24.11.2007
  • Mwandishi
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/CSgX

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com