1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

SAO PAULO:Ndege ya Tam yadondoka uwanja wa ndege wa Conganhas

Ndege ya Shirika la ndege la Tam nchini Brazil imedondoka baada ya kuteleza kwenye barabara iliyo na maji kwenye kiwanja cha ndege cha Congonhas.Abiria 170 pamoja na wahudumu 6 walikuwa safarini katika ndege hiyo iliyogonga jengo moja na kushika moto.Watu wanane wanaripotiwa kujeruhiwa na mmoja kufariki katika ajali hiyo.

Ndege hiyo ilitua kutoka eneo la Porto Alegre lililo kusini na kuteleza kwenye barabara ya ndege iliyokuwa na maji kwasababu ya mvua.Watu wanane ambao ni wafanyikazi wa shirika hilo waliokuwamo ndani ya jengo lililogongwa na ndege hiyo walijeruhiwa kwas mujibu wa kituo cha televisheni cha Globo.

Kulingana na kampuni ya ndege ya Tam malori 31 ya kuzima moto yako katika eneo hilo ili kupambana na moto uliotokea baada ya ndege kudondoka.Uwanja wa ndege wa Congonhas ulio mjini umefungwa pamoja na barabara zote zinazoelekea huko.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com