1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

SANA’A : Wakimbizi wa Somalia wafia baharini

Mashua mbili zilizokuwa zimebeba watu waliokuwa wakikimbia kutoka Somali zimepinduka nje ya mwambao wa Yemen na kuuwa watu 17 na wengine 140 hawajulikani walipo.

Wengi wa wakimbizi hao wanasema wanakimbia mapigano yaliozuka hivi karibuni kusini mwa Somalia na katika mji mkuu wa nchi hiyo Mogadishu.Shirika la Wakimbizi la Umoja wa Mataifa UNHCR limesema mojawapo ya mashua hiyo ilipinduka baada ya abiria wake kufadhaika kutokana na kugunduliwa na mashua za polisi za Yemen.Mashua ya pili ilizama wakati ilipokuwa ikirudishwa ufukweni na mashua za walinzi wa mwambao wa Yemen pamoja na helikopta.

Kwa mujibu wa UNHCR mashua hizo mbili zilizozama zilkuwa miongoni mwa mashua nne zilizokuwa zikiwasafirisha kwa magendo abiria 515.

Abiria wengine 317 walionusurika walipelekwa kwenye kituo cha wakimbizi cha UNHCR kilioko Myfaa kusini mashariki mwa jimbo la Shabwa kama kilomita 460 kutoka mji wa Sana’a.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com