1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Rice ashinikiza ugavi wa madaraka nchini Kenya

Waziri wa mashauri ya kigeni wa Marekni, Condoleezza Rice, amewataka viongozi wa kisiasa wanaozozana nchini Kenya wakubaliane kuhusu kugawana madaraka ili kuumaliza mgogoro wa kisiasa uliosababisha umwagaji damu nchini humo.

Condoleezza Rice amesema makubaliano ya ugavi wa madaraka yatauimarisha uhusiano kati ya Kenya na Marekani.

Akizungumza na waandishi wa habari mjini Nairobi leo baada ya kukutana na katibu mkuu wa zamani wa Umoja wa Mataifa Kofi Annan, Condoleezza Rice amesema Marekani haitaendelea na shughuli zake nchini Kenya kama kawaida mpaka mzozo wa kisiasa utanzuliwe.

Aidha Condoleeza Rice amesema Marekani itaendeleza uhusiano wa kirafiki na Kenya lakini akasisitiza hilo litafanyika iwapo Kenya itakuwa thabiti na yenye serikali halali inayoweza kuwaongoza wakenya wote.

Kabla waziri Rice kuwasili mjini Nairobi serikali ya rais Mwai Kibaki ilitoa taarifa ikisema haitakubali shinikizo la kuitaka ifikie makubaliano na kiongozi wa upinzani Raila Odinga.

  • Tarehe 18.02.2008
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/D9KN
  • Tarehe 18.02.2008
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/D9KN

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com