1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Rangoon. Amri ya kutotembea usiku yaondolewa.

Utawala wa kidikteta nchini Burma umeondoa amri ya kutotembea usiku katika mji mkuu wa nchi hiyo Rangoon, amri ambayo iliwekwa mwezi uliopita baada ya maandamano makubwa kuipinga serikali.

Tangazo hilo , lililotolewa kupitia gari lililokuwa limewekwa vipaza sauti lililopita katika mitaa ya mji huo pia limemaliza marufuku dhidi ya mikusanyiko ya zaidi ya watu watano. Haikufahamika iwapo amri kama hiyo katika mji ulioko katikati ya nchi hiyo wa Mandalay, ambao pia ulishuhudia maandamano dhidi ya utawala huo wa kijeshi, kama imeondolewa.

Amri ya kutotembea usiku iliwekwa Septemba 25, wakati jeshi lilipoanza kuzima maandamano ya amani yaliyokuwa yakifanywa na watawa wa Kibudha dhidi ya miaka 45 ya utawala wa kijeshi nchini humo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com