1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

PYONGYANG:Viongozi wa Korea Kusini na Kaskazini kukutana mwisho wa mwezi huu

Viongozi wa Korea Kaskazini na Korea Kusini wanatarajiwa kuwa na mkutano wao wa pili katika historia ya nchi hizo mbili.

Rais Roh Moo-Hyun atakutana na mwenzie Kim Jong-il wa Korea Kaskazini katika mji mkuu wa Korea Kusini Pyongyang mwisho wa mwezi huu.

Mkutano huo utafanyika ikiwa ni miaka saba toka ule wa kwanza kati ya kiongozi wa Korea Kaskazini Kim alipokutana na kiongozi wa wakati huo wa Korea Kusini Kim Dae-jung.

Kwa upande mwengine, Korea Kaskazini imeendelea kuwa na mazungumzo na mataifa mengine matano kuangalia jinsi ya kufikia suluhu la vinu vyake vyake vya nuklia.

Nchi hizo tano, Marekani, Urusi, China, Japan na Korea Kusini zimezungumzia misaada zaidi kwa Korea Kaskazini baada ya nchi hiyo kufunga vinu vyake vya nuklia vilivyoko Yongbyon mwezi uliyopita .

Iwapo Korea Kaskazini itafunga vinu vyake vyote itapata msaada wa tani 950,000 za nishati ya mafuta ikiwa ni pamoja na faida kubwa katika nyanja za kidiplomasia na kiusalama.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com